Të paktën 20 fermerë Indianë kanë vdekur dhe qindra të tjerë janë shtruar në spital pas spërkatjes të të mbjellave me pesticide helmuese, thanë zyrtarët të hënën, duke theksuar standardet e dobëta të sigurisë në vend.
Fermerët në shtetin perëndimor Maharashtra, një nga rajonet më të rëndësishme bujqësore të Indisë, vdiqën nga përdorimi i pesticideve të rrezikshme duke mos mbajtur maska mbrojtëse.
“Njëzet fermerë kanë vdekur dhe qindra te tjerë janë duke u trajtuar. Pesëdhjetë janë ne gjëndje kritike të dëmtimit të shikimit,” tha për AFP Kishore Tewari, zëdhënësi i një task force të qeverisë që ndihmon fermerët në gjendje të dëshpëruar.
Vdekja e parë u raportua në gusht dhe numri i viktimave u rrit gjatë gjithë shtatorit, sipas njoftimeve të lajmeve lokale.
Ato ndodhën në rajonin Yavatmal, rreth 670 kilometra larg nga kryeqyteti financiar Mumbai.
Aktivistët fajësojnë një mungesë të rregulloreve që mbulojnë pesticidet dhe një dështim për të siguruar fermerët e varfër me pajisjet e duhura të sigurisë.
Tewari tha se viktimat nuk kishin veshur çizme, maska apo doreza. Viktimat e raportuara kanë përjetuar vizion të paqartë dhe dhimbje koke shumë të forta, shtoi ai.
“Nuk kam para për të blerë veshje mbrojtëse dhe spërkas pa pajime të sigurisë,” citoi NDTV një fermer.
Javën e kaluar Gjykata e Lartë e Bombeit i bëri thirrje qeverisë së Maharashtrës të ndalojë shitjen e pesticideve në zonat e prekura.
Përfaqësuesi i policisë M Rajkumar në Yavatmal tha për AFP se po merreshin me disa raste kundër një qendre bujqësore lokale që shet pesticide për fermerët.
India ka gati 260 milion fermerë dhe punëtorë të fermave që bëjnë një jetë të varfër.
Jetesat e tyre rregullisht shkatërrohen nga thatësirat dhe 1,417 fermerë në vitin 2016 vranë veten, sipas shifrave zyrtare në Maharashtra.
Në qershor, qeveria ra dakord të japi kredi për fermerët që vlerësohet të jetë rreth 5 miliardë dollarë./ Gazeta Impakt
burimi:nation
