Me debatin aktual në SHBA për refugjatët nga bota muslimane, do të ishte interesante të nxirreshin në pah disa fakte pak të njohura për Zonjën e Lirisë. Mund të jetë disi tronditëse për shumë persona të dinë se vetë statuja ishte menduar fillimisht të përfaqësonte një femër egjiptiane fshatare si një Kolos të Rodosit për Epokën Industriale.

Njerëzit janë më të njohur me rrënjët franceze të statujës. Po, Zonja e Lirisë i është dhënë Shteteve të Bashkuara nga Franca për njëqind vjetorin e festimit të aleancës së dy vendeve, të formuar gjatë Revolucionit Francez. Megjithatë, ky fakt nuk i mohon rrënjët arabo/muslimane të statujës.

Pra, cila është historia e vërtetë pas Zonjës së Lirisë?

Projektuesi francez i statujës, Frédéric-Auguste Bartholdi, e mori frymëzim në Egjipt. Në vitin 1855, ai vizitoi monumentet e Nubianit në Abu Simbel. Bartholdi u hipnotizua nga arkitektura e lashtë egjiptiane. Për më tepër, i riu u magjeps nga projekti për të gërmuar një kanal midis Mesdheut dhe Detit të Kuq.

Përfundimisht, ai e kanalizoi atë pasion në një propozim për inaugurimin e Kanalit të Suezit.

Në panairin botëror të Parisit në vitin 1867, Bartholdi u takua me Kedivin, liderin e Egjiptit, dhe i propozoi krijimin e një pune aq të mrekullueshme sa piramidat apo Sfinksi. Ai projektoi një grua kolosale që mbante një llambë dhe që ishte e veshur me veshjen e një fshatareje të mbuluar egjiptiane, që do të vendosej si një far në hyrje të Kanalit të Suezit. Statuja do të qëndronte 86 këmbë e lartë, dhe piedestali i saj do të ngrihej në një lartësi prej 48 këmbësh. Modelet e hershme të statujës u quajtën “Egjipti që Mban dritën në Azi”.

Megjithatë, marrëveshja egjiptiane dështoi, por Bartholdi nuk e humbi shpresën dhe vendosi të shkonte në Amerikë për të vendosur kolosin e tij.

Por, sa të gatshëm ishin amerikanët në lidhje me mundësinë e dhënies së një shtëpie këtij monumenti të ri?

Mbledhja fillestare e fondeve dhe mbështetjes ishte jashtëzakonisht e vakët. U deshën rreth 15 vjet, me statujën e përfunduar në një lagje të Parisit, para se qytetaria amerikane më në fund ta përqafonte atë.

Kur ajo u zbulua në tetor të vitit 1886, grupet e të drejtave të grave dyshuan që një figurë gjigande femërore do të qëndronte në portin e Nju Jorkut duke përfaqësuar lirinë, kur shumica e grave amerikane nuk kishin guximin as për të votuar.

Vetëm dy femra kanë marrë pjesë në inagurimin e vërtetë të asaj që tani njihet si Ishulli i Lirisë: gruaja e Bartholdit dhe e bija 13-vjeçare e Ferdinand de Lesseps, inxhinierit francez i cili kishte projektuar Kanalin e Suezit. / © Gazeta Impakt

Burimi: Mvslim

44