Aktivisti amerikan i paqes, vendimin amerikan për të zvogëluar ndihmën ndaj refugjatëve të okupuar palestinezë e ka përshkruar si ndihmë për regjimin izraelit për të kryer edhe më tej aparteid dhe krime të luftës kundër popullit palestinez.
Shtetet e Bashkuara kanë shkurtuar 125 milion dollarë nga grantet e tyre vjetore prej 300 milionë dollarë për UNRWA në janar 2018, ndërsa Uashingtoni ka në plan të reduktojë edhe më shumë fondet e veta me 55 milionë dollarë në fazën e ardhshme. Thai Barry, aktivist amerikan i paqes dhe anëtar i grupit kundër luftës, në një intervistë me agjencinë e lajmeve IRNA të mërkurën, tha se përpjekjet e Shtëpisë së Bardhë për të zvogëluar financimin e ndihmës për UNRËA është një politikë e mohimit të pranisë së refugjatëve palestinezë. Ai tha se Gaza është e bllokuar nga armiku dhe 900,000 palestinezë të zhvendosur do të privohen nga arsimi, shëndetësia dhe siguria e ushqimit. Aktivisti amerikan i paqes shprehu shqetësim në lidhje me rezultatin e takimit të Këshillit të Sigurimit mbi Palestinën dhe UNRËA, duke shtuar se është koha që Bashkimi Evropian, në vend të sloganeve në favor të palestinezëve, të ndërmarrë hapa për të ndaluar ndërtimin e vendbanimeve izraelite. Duke kundërshtuar pretendimet e SHBA për barrën financiare të ndihmës amerikane ndaj refugjatëve palestinezë, Thay Barry tha se, me rritjen e ndihmës për regjimin sionist prej 200 milion dollarëve, qëllimi i Uashingtonit është të rris presionin mbi popullin palestinez i cili është nën okupimin e regjimit sionist. Ai tha se regjimi sionist, duke synuar refugjatët palestinezë përmes ligjeve dhe okupimeve diskriminuese, përmbys të drejtën e tyre për të mbrojtur atdheun e tyre dhe shtoi se ky regjim i paligjshëm, që synon UNRWA, dëshiron të mohojë praninë legjitime të refugjatëve palestinezë. Aktivisti amerikan akuzoi Shtetet e Bashkuara se janë përgjegjës për krimet kundër Palestinës dhe rajonit, duke thënë se kriza në rajon është rezultat i një politike amerikane të përçarjes dhe mbështetjes së okupatorëve izraelitë./ PT
