Shefi i Organizatës së Haxhit, Hamid Muhammedi tha të hënën se Arabia Saudite ka rritur në 35 përqind numrin e haxhinjve të Iranit për Haxh këtë vit.
Duke folur për Agjencinë e Lajmeve IRNA, Hamid Muhammedi theksoi se këtë vit rreth 86.500 haxhinj iranianë do të marrin pjesë në ibadetet e haxhit.
Ai përsëriti se dy vjet më parë rreth 64.000 haxhinj iranian morën pjesë në sezonin e Haxhillykut.
Republika Islamike e Iranit vendosi të ndalë dërgimin e haxhinjve në Haxh për shkak të shqetësimeve të sigurisë pas dy incidenteve vdekjeprurëse që morën jetën e më shumë se 470 haxhinjve iranianë gjatë ibadeteve të Haxhit në vitin 2015.
Disa ditë pas shtypjes vdekjeprurëse njerëzore, që ndodhi në shtator të vitit 2015, Arabia Saudite publikoi numrin vdekjeje prej 770 vetësh, por refuzoi ta ndryshonte numrin pavarësisht numrit të viktimave nga shtete të veçanta, shtetasit e të cilëve ishin ndër viktimat e shtypjes. Irani tha se rreth 4,700 njerëz, duke përfshirë mbi 465 shtetas të tij, humbën jetën e tyre në këtë incident.
Në fillim të prillit, Hamid Muhammedi dhe Ministri Saudit i Haxhit dhe Umres, Muhammed bin Saleh bin Tahir Benten rishikuan në një takim detajet rreth ofrimit të shërbimeve të duhura për haxhinjt iranianë gjatë 2017 rreth ritualeve të Haxhit.
Takimi u përqëndrua gjithashtu në çështjen e përshpejtimit të hetimeve të tragjedisë së Mina në vitin 2015, kur rreth 500 haxhinj iranianë vdiqën në një rrëmujë gjatë tubimit vjetor të Haxhit.
Të dy palët shkëmbyen mendime mbi lëshimin e vizës elektronike për haxhinjt iranianë, transferimin e tyre dhe sigurimin e tyre me ushqim dhe ilaçe gjatë Haxhit të këtij viti.
Burimi : IRNA/ ML
