Kryetari i Partisë Demokratike, Lulzim Basha gjatë takimit të sotëm me qytetarët në Paskuqan, vlerësoi punët e bëra atje nga kryebashkiaku Xhelal Mziu, që sipas tij ka mbajtur premtimet me investimet që ka realizuar.
Kryetari i opozitës, në një farë mënyre ka konfirmuar kandidaturën e Mziut për Bashkinë Kamëz-Paskuqan, edhe pse tezat e tij janë për zgjedhje të parakohëshme politike, me një qeveri tranzitore.
Basha u shpreh se Xhelal Mziu do të bëjë edhe më shumë për komunitetin atje, kur të bashkëpunojë me një qeveri tjetër, që mendon dhe punon për njerëzit.