Për një muaj sheshi para Pallatit të Sportit “Flamurtari” në Vlorë nuk mund të përdoret për asgjë tjetër veçse për mitingjet e PS-së. Ju duket e habitshme dhe e pabesueshme? Kjo është shkresa që e vërteton dhe është nënshkruar nga kryetari i Bashkisë, i zgjedhuri i PS, Dritan Leli.
Shkresa është një përgjigje për LSI e cila kërkon ta përdorë sheshin për një ditë, por Leli i thotë se kjo është “tokë e zënë” deri në fund të muajit qershor. Nuk dimë në cilin ligj është bazuar kryebashkiaku për ti bërë këtë nder të madh partisë së tij në dëm të pronës publike.
