Burimet mediatike arabe kanë njoftuar se Arabia Saudite nëpërmjet një kompanie ndërmjetësuese Spanjolle, ka blerë 500 tanke Merkava nga regjimi sionist që është kontrata më e madhe ushtarake e fshehtë në historinë e Arabisë Saudite dhe Izraelit.
Arabia Saudite këto tanke i ka blerë nga Izraeli duke shfrytëzuar një kompani spanjolle. Emri i kompanisë nuk bëhet i ditur mirëpo Muhamed bin Salman, princi trashëgimtar i fronit në Arabinë saudite ka paguar në kesh paratë për blerjen e tankeve të cilat i janë dorëzuar Riadit nëpërmjet forcave detare të Spanjës. Po nëpërmjet kësaj kompanie, ekspertët sionistë do të trajnojnë forcat saudite për përdorimin e tankeve Merkava. Princi saudit bin Salman, ka ndërmend të blejë 1500 tanke Merkava për të plotësuar nevojat e ushtrisë saudite. Në këtë fushë, faqja libaneze e lajmeve Al- Ahd, vuri në dukje se në një raport të fundit nga zyrtarët izraelitë thuhet se ata kanë pritur për më shumë se pesëdhjetë vjet që një aleat i tillë si Muhamed bin Salman të qeverisë Arabinë Saudite. Sipas këtij burimi, izraelitët e kanë thënë këtë në kushtet më të vështira për Arabinë Saudite dhe pikërisht kur ky vend, veçanërisht Princi i Kurorës Muhamed bin Salman, po hasin në një reagim të ashpër ndërkombëtar për vrasjen e gazetarit saudit Jamal Khashoggi. Në të vërtetë, ka shumë arsye përse Izraeli po e mbështet princin aktual të kurorës së Arabisë Saudite dhe ta përkrahë atë në të ardhmen për të marrë përsipër udhëheqjen e Arabisë Saudite pas babait të saj mbretit Salman. Qëndrimet e rëndësishme saudite në mbështetje të regjimit izraelit në të ashtuquajturën “Marrëveshja e shekullit” dhe aktivitetet e vazhdueshme te regjimit saudit për të krijuar dallime në qëndrimet e arabëve dhe palestinezëve, si dhe qëndrimi i Riadit për të mos kundërshtuar transferimin e ambasadës amerikane nga Tel Avivi në Jerusalem është një shërbim i madh për regjimin okupator izraelit. Bashkëpunimi ushtarak saudit me Izraelin, vjen në një kohë kur Rijadi dhe Tel Avivi janë të njohur si dy anët e monedhës së destabilitetit në rajon. Duket se “Marrëveshja e shekullit “dhe propaganda amerikane dhe izraelite rreth saj, praktikisht e kanë kompromentuar princin bin Salman. Qëllimi kryesor i Shteteve të Bashkuara është të shkatërrojë sovranitetin e Arabisë Saudite duke i mbytur sauditët në ëndrra boshe, përfshirë premtimin e transformimit të Arabisë Saudite në një fuqi ekonomike dhe ushtarake rajonale./ PT