Zëvendëskryeministri Bekir Bozdag tha se ka marrë fund terrori dhe terroristët në rajonin Afrin të Sirisë.
Ai bëri një postim në median sociale Twitter në lidhje me vendosjen e sigurisë në qendër të Afrinit nga Forcat e Armatosura Turke dhe Ushtria e Lirë Siriane.
“Puna jonë nuk ka mbaruar ende, kemi shumë për të bërë por në Afrin ka marrë fund terrori dhe terroristët. Tashmë ka marrë fund shtypja dhe mizoria e organizatës terroriste ndaj popullit të Afrinit. Ky popull tani do të jetojë i lirë, i sigurt, në paqe dhe në stabilitet. Dështuan projektet për të korridorin e terrorit dhe krijimin e një shteti terrori. Me marrjen e kontrollit të Afrinit, kanë humbur, dështuar dhe janë detyruar të dështojnë edhe një herë ata që donin dhe mbështesnin organizatat terroriste PKK/KCK/PYD/YPG dhe DAESH dhe ata që rendnin së bashku me këto organizata terroriste pas projekteve të reja në rajon” tha Bozdag.
Edhe Zëdhënësi i presidencës, Ibrahim Kalin, në postimin e bërë në median sociale Twitter tha se Forcat e Armatosura Turke kanë treguar edhe një herë fuqinë dhe dinjitetin e tyre.
“Marrja nën kontroll e qendrës së Afrinit në kuadër të operacionit “Dega e Ullirit” është mesazh i qartë për organizatën terroriste dhe botën. Turqia do të vazhdojë të ecë me hapa të vendosura në rrugën e sigurisë, stabilitetit dhe drejtësisë. Fryma e 18 marsit e Çanakalasë qëndron e palëkundur dhe në këmbë edhe pas 103 vjetësh” shkroi Kalın.
Edhe Ministri i Mbrojtjes Kombëtare, Nurettin Canikli në postimin e bërë në Twitter deklaroi marrjen e kontrollit të Afrinit dhe uroi që kjo të jetë në të mirën e Turqisë dhe rajonit.
“Ushtria jonë heroike, ashtu si dje edhe sot vazhdon të jetë garantuesja e qetësisë, sigurisë dhe paqes së vendit tonë dhe vendeve të rajonit” shkroi Canikli./ trt
