Cinizmi tronditës i luftës së Arabisë Saudite në Jemen, i përmbledhur në një shprehje

Është e vështirë të zmadhohen kostot njerëzore të luftës së Arabisë Saudite në Jemen. Më shumë se 10,000 njerëz kanë vdekur në vend që nga fillimi i luftimeve në fund të marsit të vitit 2015. Rreth 2 milionë fëmijë të Jemenit janë të uritur; Jemeni është vendi i shpërthimit më të madh të kolerës në botë, me 200,000 raste të njohura dhe 5,000 raste të reja çdo ditë. Kombet e Bashkuara vlerësojnë se 82 përqind e popullsisë së vendit ka nevojë për ndihmë urgjente humanitare.

Jo për të gjitha këto mund të fajësohet koalicioni i udhëhequr nga Arabia Saudite, i cili është i lidhur me qeverinë e njohur ndërkombëtarisht. Kundërshtarët e tyre, një grup rebelësh të mbështetur nga iranianët e njohur si Houthët, kanë vrarë civilë dhe kanë bllokuar qytete. Megjithatë, sauditët, aeroplanët e së cilëve kanë bombarduar në mënyrë të përsëritur spitalet dhe anijet luftarake, duke ndaluar dërgesa të shumta ndihmash nga grupe si Save the Children, meritojnë një pjesë të madhe të fajit.

Gjatë një takimi në një tryezë të rrumbullakët me gazetarët të martën, pyeta ministrin e jashtëm saudit Adel al-Jubeir për mënyrën se si ai do ta justifikonte numrin e madh të njerëzve të vdekur. Përgjigja e tij, e dhënë në tonet më të qeta, arriti të ishte edhe e saktë dhe e habisht cinike.

“Kriza humanitare në Jemen është një tragjedi,” më tha Jubeir. “Ne kemi qenë donatori më i madh i ndihmës humanitare në botë, deri tani, në Jemen”.

Kjo duket të jetë, në një kuptim shumë teknik, e vërtetë. Qeveria saudite ka dhuruar rreth 848 milionë dollarë ndihma humanitare që kur lufta e saj në Jemen filloi në fund të marsit të vitit 2015, sipas shifrave të qeverisë saudite. Emiratet, që janë pjesë e një koalicioni shumëkombësh që ndihmon fushatën e bombardimeve saudite, është në vendin e dytë (duke dhuruar rreth 500 milionë dollarë gjatë dy viteve të fundit).

Megjithatë, kjo pikë e diskutimit në një nivel më themelor është absurde.

Arabia Saudite dhe aleatët e saj kanë imponuar një bllokadë të importeve në Jemen nga deti dhe ajri, duke lejuar vetëm ushqimin dhe medikamentet që ata vendosin të lënë të hyjnë. Kjo bllokadë, e kombinuar me bombardimet që synojnë infrastrukturën civile, është arsyeja kryesore pse situata humanitare është kaq e tmerrshme.

“Kufizimet e pajustifikuara në rrjedhën e mallrave dhe shërbimeve komerciale dhe humanitare në Jemen, si dhe pengimi i shpërndarjes brenda vendit po paralizojnë një komb që për shumë kohë ka qenë viktimë e luftës”, tha në një deklaratë në prill Idriss Jazairy, raportues special i OKB-së për të drejtat e njeriut dhe Sanksionet ndërkombëtare.

Shpërthimi i kolerës është një shembull veçanërisht i qartë dhe i zymtë. Kolera përhapet përmes ujit të pistë; në janar të vitit të kaluar, avionët e Arabisë Saudite shpërthyen fabrikën e dezinfektimit që shërbente për qytetin e madh të Taizit, duke i detyruar njerëzit të pinin ujë më të ndotur. Kolera është mjaft e lehtë për t’u trajtuar me antibiotikë; bllokada Saudite siguron të ketë mungesë të tyre, duke lejuar që sëmundja të përhapet.

Kështu që ju mund ta shihni se pse Jubeiri që pretendon se ka atribut për financimin e përpjekjeve humanitare në Jemen është aq jobindëse. Është sikur dikush që po ju djeg shtëpinë, t’u lërë një thes me para në pragun tuaj, dhe më pas të pretendojë se ka bërë më shumë se kushdo tjetër për të tejkaluar  katastrofën.

Zack Beauchamp

/ © Gazeta Impakt

NDANI KËTË POSTIM

Mund tju interesojne