Daçiç: S’ka çmim për njohjen e Kosovës, nuk poshtërohemi

Ministri i Jashtëm serb, Ivica Daçiç deklaroi se Serbia nuk do ta njohë Kosovën me asnjë çmim. Ai theksoi se zgjidhja mes dy vendeve duhet të jetë paqësore.

“Nuk do ta njohim Kosovën për asnjë çmim, sepse nuk është në pyetje BE-ja apo Kosova. Ne nuk duam të na shtrohet ashtu pyetja. Duam zgjidhje paqësore, por jo poshtërimin e Serbisë. Ka probleme në Ballkan, por ato nuk duhet të jenë bazë për luftëra. Kërkohet më shumë mirëkuptim nga bashkësia ndërkombëtare dhe në këtë drejtim ne po përpiqemi për të udhëhequr një politikë të ekuilibruar të jashtme, e cila respekton të gjitha qëllimet tona strategjike”, tha Daçiç gjatë një vizite në Timisoara të Rumanisë, raporton “FoNet”.

Sipas kryediplomatit serb, BE aktualisht ka probleme më të mëdha sesa anëtarësimi i vendeve të Ballkanit Perëndimor.
Burimi: BalkanWeb

NDANI KËTË POSTIM

Mund tju interesojne