Të tjera detaje tronditëse kanë dalë në dritë pas ngjarjes së rëndë të ndodhur rreth një vit më parë në zonën e Mendocino në Kaliforni, ku humbën jetën dy gra, bashkë me gjashtë fëmijët e tyre të adoptuar.
Ajo që ishte dukur si një aksident tragjik, në fakt ishte një rast dramatik vrasje-vetëvrasje.
Të dyja 38-vjeçaret, lezbike, e kishin organizuar atë aksident. Në fillim kishin droguar fëmijët e tyre, të gjithë nga 12 deri në 19 vjeç dhe më pas ishin hedhur të gjitha nga shkëmbi.
Në skenën e aksidentit të tmerrshëm u gjendën trupat e Jennifer dhe Sarah Hart (dy nënat), së bashku me fëmijët Abigal, Jeremiah dhe Markis.
Trupat e Sienna, Hannah dhe Devonte nuk u gjetën asnjëherë, por policia beson që edhe ato kanë humbur jetën në aksident. Vetëm tani është zbuluar që Markis kishte në trup 19 doza të Benadryl, një ilaç që përdoret për gjumë, gjithashtu edhe në trupat e djemve të tjerë që janë gjetur pas aksidentit.
Edhe Sarah kishte marrë doza të larta ilaçesh, ndërsa Jennifer ishte plotësisht e dehur. Të tjera prova që kanë zbuluar të vërtetën për dinamikën e ngjarjes janë nxjerrë nga sistemi Gps, nga kompjuteri i fuoristradës dhe nga celulari i Sarah.
Disa nga frazat e frikshme në celularin e Sarah- Në smartphonin e gruas ditën që familja kishte dalë me makinë u gjetën kërkime të tipit “500 mg Benadryl mund të vrasin një grua me peshë 120 kg?’, ‘Vdekja nga mbytja është relativisht pa dhimbje?”, “Duhet shumë për të vdekur nga hipotermia në ujë teksa mbytesh në një makinë?”
Raporte për abuzime tek të miturit.
Ditën e aksidentit familja kishte ndaluar në një supermarket për të blerë Benadryl, një ilaç që të dyja gratë ju jepnin fëmijëve për ti vënë në gjumë gjatë udhëtimeve me makinë. Me shumë gjasa fëmijët kanë qenë duke fjetur teksa Suv-i me te cilin udhëtonin ka rënë nga shkëmbi. Gjithashtu besohet që dy gratë kanë marrë këtë vendim tragjik pasi shërbimet sociale kishin marrë denoncime që fëmijët abuzoheshin prej tyre.
