Stuhia e filluar menjëherë në Tiranë para pak orësh ka shkaktuar dëme të shumta materiale. Rrëzime pemësh, thyerje degësh e bllokime rrugësh kanë qenë disa nga shenjat e shfaqura në kryeqytet.
Po sikurse raportohet nga fotot që mbërrijnë në adresën e newsbomb.al, duket se më keq është paraqitur situate në rrugën Mihal Grameno, në zonën e rrugës së Elbasanit.
Sic duket dhe nga fotografia, një benz është dëmtuar rëndë pasi pema e thyer nga rrebeshi ka rënë mbi të. E gjithë ngjarja është fotografuar nga kalimtarë të rastit ndërkohë që pritet vinci për heqjen e pemës dhe marrjen e makinës nga i zoti.
