Në 23 Mars Erion Veliaj zhvilloi një miting në sheshin ‘Nënë Tereza’ ku ai u prezantua përpara rreth 6000 mijë personave si kandidati i ardhshëm për Bashkinë e Tiranës në radhët e Partisë Socialiste.
Pak ditë para se të zhvillohej ky miting, nëpër media u publikuan, sms të strukturave të PS që kërcënonin administratën që nuk vinte në miting, madje duhet të merrnin me vete edhe 10 persona të tjerë.
Faqja e njohur në rrjetet sociale ‘Lolita’ ka publikuar në status në ‘Facebook’ ku një personi i është komunikuar me datë 25 Mars lirimi nga puna.
Sipas asaj që shkruan ‘Lolita’ personi në fjalë është hequr pasi nuk ka qenë prezent në miting. Ajo që vërehet re një njoftim është heqja nga puna pa asnjë motivacion diçka që në 99% të rasteve personat që shkarkohen i drejtohen gjykatës dhe i shkaktojnë buxhetit të bashkisë dyfish dëm.
