Erion Veliaj hap thesin, tender 8 milion dollarë për 600 metra rrugë

Bashkia e Tiranës pritet të riparojë Bulevardin Zogu i Parë, që nis të Hotel Tirana dhe përfundon te ish-stacioni i Trenit.

Për riparimin e këtij segmenti rreth 600 metra të gjatë, Bashkia e Tiranës ka vënë në dispozicion një buxhet prej 8 milionë dollarësh, kostoja e përgjithshme llogaritet në 15 milionë dollarë për kilometër.

Edhe pse bëhet fjalë për një rrugë pa vepra arti, pa tunele e mbikalime, por thjesht riparim.

“Kur mendon se Unaza e Re me vlerën e saj 40 milion Euro për 2.2 km ishte maksimumi dhe asgjë nuk do të të çudiste më, del Lali Eri dhe buxheton 8 milion USD (pa TVSH) për REHABILITIMIN e 600 m rrugë të Blv.Zogu I. Pra 600 metra rrugë do të riparohen me 8 milion USD, që i bie një kosto 15 milionë USD/km… për rehabilitim rruge??!!!

Jo për ndërtim nga e para, po thjesht për rehabilitim, apo riparim rruge, pa vepra arti, pa ura, pa tunele, pa mbikalime etj., kostoja shkon 15 milion USD/km. Nga një vlerë maksimumi, 300 mijë USD që mund të kushtojë riparimi, bashkia jep 8 milion USD, ose 27-fish më shumë.

Ndërkohë që BE u alarmua vetëm se në Irlandë u ndërtua nga zero një autostradë me kosto 16 milionë Euro/km, këtu tek ne me aq lek riparojmë një rrugë qyteti. Kjo është çmenduri!! Kjo nuk është vjedhje me lopatë, kjo është vjedhje me ekskavator. Duhet ndalur!” – shkruan eksperti i ekonomisë, Pano Soko.

NDANI KËTË POSTIM

Mund tju interesojne