Agjencia hapësinore e Kinës ka humbur kontrollin e stacionit hapësinor të quajtur “Tiangong-1” në shtator të viti 2016 dhe tani ekspertët parashikojnë se sateliti 8.5 tonësh do të përplaset me Tokën brenda disa muajve.
Astrofizikani Jonathan Mc Dowell, nga Universiteti Harvardit, ka thënë se stacioni do të shkatërrohet në fillim të vitit të ardhshëm.
Ndërkohë Agjencia Evropiane e Hapësirës, ESA tashmë ka ngushtuar vendet e mundshme të rrëzimit për stacionin hapësinor kinez, duke përfshirë disa vende evropiane.
Agjencia do të udhëheqë një fushatë ndërkombëtare të përbërë nga gjithsej 13 agjenci hapësinore nga e gjithë bota për të gjurmuar stacionin hapësinor kinez, i cili ka nisur rrugëtimin e tij në drejtim të Tokës.
Sipas tw dhënave, Spanja, Portugalia, Italia, Bullgaria dhe Greqia mund të jenë të gjithë në vijën e zjarrit, nëse ndonjë pjesë e mbeturinave nga stacioni nuk do të prishen plotësisht në atmosferë.
