Filmi turk “Ayla” i cili është nominuar për çmimin Oscar në kategorinë “Filmi më i mirë në gjuhë të huaj”, brenda tre javëve është shikuar nga afërsisht dy milionë njerëz, transmeton Anadolu Agency (AA).
Ayla, film i cili përshkruan historinë e një vajze pesëvjeçare koreane jetime të gjetur në fushëbetejë nga një ushtar turk gjatë luftës në Kore, i cili e merr nën mbrojtjen e tij, është shfaqur për publikun turk në kinema dhe është shikuar nga rreth dy milionë persona, njoftoi produksioni i filmit, Dijital Sanatlar.
Ekipi i filmit përmes një turneu ka shfaqur filmin në qytete të ndryshme të Turqisë për filmdashësit, për të vazhduar edhe në qytetet e tjera të ngelura deri në fund të muajit nëntor./ AA