Robert Fisk, një nga ekspertët më të mëdhenj të Lindjes së Mesme të shtypit britanik, shkroi se pasi Forcat Demokratike Siriane kishin pastruar Baguzin nga ISIS, sytë do të kthehen drejt Idlibit. Duke rikujtuar se ka shumë militantë të ISIS-it në provincën Idlib në kufi me Turqinë dhe Sirinë, Fisk u shpreh se: “Kjo tani është një shans për të treguar se Rusia e di se si ta mposhtë ISIS-in.”
Pasi Forcat Demokratike të Sirisë larguan militantët nga Baguzi, që është kështjella e fundit në lindje të Eufratit, janë hedhur mansheta me titullin e cituar nga deklarata e Forcave Demokratike të Sirisë “Kalifati ka mbaruar”, ndërsa Robert Fisk, një nga ekspertët më të mëdhenj të Lindjes së Mesme të shtypit britanik, ka shkruar se duhet të vizatohet një tablo e kujdesshme. Duke rikujtuar se ka shumë militantë të ISIS-it në provincën Idlib në kufi me Turqinë dhe Sirinë, Fisk u shpreh se: “Kjo tani është një shans për të treguar se Rusia e di se si ta mposhtë ISIS-in.”
‘NË IDLIB KA SHUMË MILITANTË TË ISIS-IT TË GATSHËM PËR LUFTË’
Artikullin e tij të titulluar “Mos i besoni ekzagjerimit, ISIS nuk është mposhtur akoma – Ja pse”, të botuar në faqen The Independent, Fisk e filloi me frazat e mëposhtme:
“Pas të gjitha titujve në lidhje me humbjen e pretenduar të ISIS-it, dikush që nuk beson në këtë gjë mund të duket si një lloj prishës humori. Por sa herë që dëgjoj se është shpallur një fitore – qoftë e llojit të deklaratës së Bushit “detyra është përmbushur”, qoftë e llojit të fantazisë se kështjella e fundit e ISIS-it është gati të bjerë – unë marrë frymë thellë. Sepse ju mund të vëni bast se kjo nuk është e vërtet.
Arsyeja për këtë nuk është vetëm që përleshjet rreth Baguzit të shkatërruar vazhdojnë ende. Arsyeja është kjo: Pranë delegacionit Tahrir al Sham (al Nusra) në provincën Idlib të Sirisë, edhe nëse janë plotësisht të rrethuar nga ushtarët sirian, ka shumë militantë të ISIS-it të armatosur dhe të gatshëm për luftë.
Ndër këto linja të para islame janë pikat vëzhguese ushtarake ruse dhe forcat ushtarake turke, por armëpushimi i përkohshëm që po vazhdon për pesë muaj është bërë shumë më i brishtë në javët e fundit.”
‘KURDËT PËRSËRI DO TË TRADHTOHEN’
Robert Fisk shkroi se Idlibi është shndërruar në një vend ku në tre vitet e fundit, janë braktisur militantët të cilët Siria dhe Rusia i kanë larguar nga qytetet e mëdha dhe se është harruar çështja e Idlibit e cila para armëpushimit që Rusia dhe Turqia ishin garantues për të, kishte qenë në axhendën e të gjitha partive.
Në lidhje me praninë e ISIS-it, al Nusrës dhe al Kaidës në Idlib, Fisk është shprehur si mëposht:
“… Por ata janë ende në Idlib; Është gjithashtu e sigurt se ata mendojnë se Perëndimi ka fituar ‘fitoren e tij përfundimtare’ kundër ISIS-it. Natyrisht se lufta për Baguzin do të dilte nëpër tituj. Prania e sulmeve ajrore amerikane dhe kurdët miqësorë (dhe shumë të guximshëm) e bënë atë një histori më të kapshme.”
Ndërsa në lidhje me të ardhmen e kurdëve sirian, shkrimtari anglez u shpreh kështu: “Nëse amerikanët me të vërtet do të tërhiqen përfundimisht, kurdët përsëri do të tradhtohen dhe – qoftë Turqi, qoftë regjimi i Sirisë, – do të braktisen nën mëshirën e armiqve.
‘PO AFROHET LUFTA PËRFUNDIMTARE ME RUSINË’
Robert Fisk në shkrimin e tij vazhdoi kështu: “Përkundër se si beson bota (duke përfshirë edhe qeverinë siriane), lufta në Siri nuk ka përfunduar ende. Idlibi është ende një zonë e privimit me dhjetëra mijëra refugjatë, si dhe legjionet e luftës, të shkatërruara nga hekurudhat dhe shpërthimet; është një vend ku ka militantë islamikë të cilët ndonjëherë luftojnë ndërmjet vete më me emocion se ata do të donin të paraqitnin kundër ushtrisë siriane.
Kjo tani është një shans për të treguar se Rusia e di se si ta mposhtë ISIS-in. Natyrisht, ka kontakt mes secilit grup që është përfshirë në luftë me Moskën dhe Sirinë. Luftëtarët e ISIS kanë braktisur qytetet siriane nën mbrojtjen ushtarake ruse në dy vitet e fundit. Kjo mund të përsëritet përsëri. Putini lejoi që gratë dhe fëmijët e antarëve të ISIS-it të kthehen në shtëpi. ISIS, al-Nusra dhe al-Kaeda ende kanë gjasa tëshkaktojnë dëme, por përvojat e kaluara tregojnë se ata do të hyjnë në një betejë të vërtetë përfundimtare për Idlibin.
Por edhe shtyrja e titujve të ‘fitores’ mund të jetë një ide e mirë.”
Burimi : Gazete Duvar / ML
