Një shtetas nga Kosova me inicialet Xh. O është gjetur këtë të shtunë brenda një makine të djegur në Derven të Fushë Krujës.
Burime të Policisë së Durrësit thanë për “tvklan.al” se makina e djegur është gjetur në një arë dhe brenda saj janë gjetur pjesë të një trupi.
Automjeti i djegur është gjetur në afërsi të Borizanës.
Ekspertë mjekoligjorë, kriminalistë dhe specialistë të shërbimit zjarrfikës ndodhen aktualisht në vendngjarje.