Gazetari i njohur, Armir Shkurti ditën e sotme përmes një postimi në rrjetet sociale, ka paralajmëruar se pas katër javësh Rama do të kapë totalisht vendin.
Armir Shkurti u bën thirrje demokratëve, ish të përndjekurve dhe dhjetoristëve që të bëjnë diçka sa më parë sepse kapja totale e vendit nga Edi Rama, e vë atdheun në rrezik.
Sot jemi rreth 4 javë larg kapjes totale nga Rama të vendit.
“DEMOKRATË, ISH TË PËRNDJEKUR, DHJETORISTË: ATDHEU NË RREZIK!!!!”, shkruan Armir Shkurti.
Pas katër javësh në PD zhvillohen zgjedhjet për kryetar dhe Armir Shkurti, në mënyrë të drejtëpërdrejtë jep mesazh, se nuk duhet lejuar që Edi Rama të kapë PD dhe ta përdorë atë pas marrëveshjes së 18 majit me Lulzim Bashën. Kryeministri tani ka qeverinë e vet, ka çdo pushtet dhe tani i ka ngelur opozita e atë po e kap përmes Lulzim Bashës.
