Gjergj Kastriot Skënderbeu për të cilin kryeministri Edi Rama ka vendosur edhe një vit enkas në nderim, është kthyer në çështjen e ditës. Figura e heroit të shqiptarëve, me një imazh krejtësisht pozitiv në mendjet e shqiptarëve, që nga fëmijët deri të rriturit, duket se tashmë ka edhe një faqe të errët të shkruar nga ata që e mendojnë ndryshe.
Olsi Jazexhi, historian dhe studiues i Perandorisë Osmane i ftuar sonte në emisionin “Studio e Hapur” në News24, e cilësoi Skënderbeun një figurë mitike apo një rebel lokal dhe kurrsesi krijues të Shqipërisë, raporton “BalkanWeb”.
