Irak, paradë e madhe ushtarake për fitoren ndaj ISIS

Qeveria irakiane zhvilloi të dielën një paradë ushtarake për të kremtuar fitoren në luftën kundër organizatës ekstremiste ISIS. Ndërkohë, autoritetet amerikane dhe britanike kanë paralajmëruar se organizatat terroriste mund të rimëkëmben, duke shtuar se veprimet antiterroriste në Irak ende nuk mund të quhen të përfunduara.Në paradën e zhvilluar në kryeqytetin Bagdad morën pjesë zyrtarë të Ministrisë së Mbrojtjes e të Ministrisë së Brendshme, si edhe përfaqësues të të afërmve të ushtarëve të vrarë në luftë.