Ish-Presidenti i Republikës Bujar Nishani i ka bërë thirrje Kryeprokurores Arta Marku të ndërhyjë lidhur me marrëveshjen Shqipëri-Greqi për detin.

Përmes një postimi në Facebook, Nishani i referohet mediave greke ndërsa thotë se marrëveshja e detit mes Shqipërisë dhe Greqisë është arritur dhe territoret zyrtare shqiptare i kanë kaluar shtetit helen.

Për këtë arsye ai kërkon nisjen e hetimeve, pasi sipas tij kemi të bëjmë me një konflikt i ri me pasoja rajonale.

“Tashmë nuk përbën më sekret se zonat që i përkasin “de facto” Shqipërisë janë zotëruese të pasurive të mëdha të gazit dhe naftës. Nëse lajmi i medias greke është i vërtetë ky akt i qeverisë aktuale shqiptare do të përbënte aktin më të lartë të tradhëtisë kombëtare që nga themelimi i shtetit shqiptar në 1912. Ky akt i padrejtë do të hapte një konflikt të ri e të panevojshëm historik midis dy vendeve me pasoja rajonale. Në këtë rast Prokurori i Përgjithshëm i Republikës dhe prokuroria shqiptare janë përpara një përgjegjësie të madhe ligjore kushtetuese mbi Sovranitetin e Shtetit. I bëj thirrje opozitës shqiptare të kërkoj transparencë të plotë për të gjithë proçesin e negociatave dhe rezultatin e arritur për këtë çështje. Në këtë rast opozita ka një përgjegjësi historike. Shpresoj shumë që media dhe intelektualët shqiptarë të mos heshtin në bashkëfajsi !” shkruan mes të tjerash Nishani

17