Parlamenti italian votoi sot ligjin e financave 2018 të rishikuar të paraqitur nga qeveria populiste, që përfshin gjithashtu edhe objektivat buxhetore të vitit 2019 shumë të kritikuara nga Komisioni Europian.
Teksti fillimisht u miratua nga Senati me 165 vota pro, 107 kundër dhe pesë abstenim, para se të miratohej nga dhoma e deputetëve me 331 vota pro dhe 191 kundër.
“Miratimi i tekstit nënkupton se Parlamenti është shprehur”, deklaroi shefi i qeverisë, Giuseppe Conte.
Komisioneri europian, Pierre Moscovici e ka kritikuar këtë buxhet duke e cilësuar si “jo të mirë për popullin”.
Ndërkohë që drejtoresha e FMN-së (Fondi Monetar Ndërkombëtar), Christine Lagarde, ka vlerësuar se “Italia, si anëtare e eurozonës duhet të respektojë rregullat e klubit mbi disiplinën buxhetore”.
