Turqia reagon ndaj kërkimeve të një anshme të palës greko qipriotë për gaz natyror në Mesdhe.
Kryeministri Binali Jëlldërëm (Binali Yıldırım) dha një konferencë të përbashkët për shtyp me Kryeministrin e Republikës Turke të Qipros së Veriut (RTQV), Tufan Erhurman, që zhvillon një vizitë zyrtare në Ankara.
Jëlldërëm tha se Turqia do të jetë pranë RTQV-së në çfarëdo lloj kushtesh dhe vijoi: “Nëse dëshirohet që në Ishull të vendoset një zgjidhje e përhershme dhe e vazhdueshme atëherë duhet që pala greke e Qipros të jetë e përgatitur mendërisht për këtë”.
Ai vlerësoi edhe pretendimet se kërkimet greko qipriotë për naftë në jug të ishullit të Qipros do të mbrohen nga 6 flota të Shteteve të Bashkuara të Amerikës.
Jëlldërëm theksoi se çdo lloj pasurie natyrore përreth ishullit të Qipros është pasuri e përbashkët e popullit që jeton në Qipro.
“Veprimtaritë njëanëse të filluara prej tyre nuk priten kurrë me pëlqim nga ana jonë. Edhe Republika Turke e Qipros së Veriut nuk e pëlqen këtë. Veprimtari që bëhen në mënyrë të ngjashme me atë urdhëruese do të përballen me diçka të përshtatshme” tha kreu i qeverisë turke.
Ai reagoi edhe ndaj djegies së flamurit tuk në Greqi.
“Flamuri është nderi dhe krenaria e vendit. Ofendimi ndaj flamurit është ofendim ndaj vendit. Është i papranueshëm. Ne jemi duke dhënë jetët tona për atë flamur” tha Jëlldërëm.
Kryeministri bëri të ditur gjithashtu se vazhdon procesi ligjor për 2 ushtarët grekë të arrestuar pasi shkelën hapësirën ushtarake të Turqisë duke kaluar kufirin më 1 mars dhe reagoi ndaj përpjekjeve të Greqisë për ta çuar çështjen në Bashkimin Evropian.
“Tani është bërë e zakonshme që çdo temë që ka lidhje me Turqinë të çohet në Bashkimin Evropian dhe të merret mbështetje prej tij. Nisma të tilla dhe të ngjashme nuk i çojnë aspak përpara marrëdhëniet tona me Bashkimin Evropian dhe nuk i çojnë as prapa” tha Kryeministri Binali Jëlldërëm. /trt
