Shefi i Komisionit të BE Jean-Claude Juncker deklaroi se integrimi i shteteve të Ballkanit në Bashkimin Evropian mund të jetë një hap i domosdoshëm për të shmangur konfliktet në rajon.
Juncker i tha Deutsche Welles se pranimi i ish-shteteve jugosllave në BE mund të ndihmojë në parandalimin e nisjes së një konflikt të ri.
“Njerëzit në BE duhet të bëhen të vetëdijshëm se Ballkani është në pragun e tyre”, tha Juncker. “Lufta ndodhi atje në vitet 1990: pa premtimin e pranimit të tyre në BE, ne mund të shihnim shumë lehtë një përsëritje të konfliktit”.
E për këtë deklaratë të Juncker ka shkruar edhe mediumi britanik “Express.co.uk”, i cili i ka cilësuar shokuese deklarimet e presidentit të Komisionit Evropian.
Kontestet gjeografike mbeten një çështje e pazgjidhur në Ballkan, si trashëgimi e së kaluarës së këtij rajoni.
