Një komandant i Korpusit të Gardës Revolucionare Islamike (IRGC) e quajti vendimin e SHBA-së për të dërguar aeroplanmbajtësen John C. Stennis në Gjirin Persik si një veprim që gënjen shtetet rajonale me ndjesinë e rreme të sigurisë për aleatët e saj.
Kryetari i Shefave të Shtabit të Forcave të Armatosura të Iranit, gjeneralmajor Mohammad Baqeri, u tha gazetarëve më 30 dhjetor se prania e forcave amerikane në Gjirin Persik vetëm se ushqen pasigurinë, duke iu referuar ardhjes së fundit të aeroplanmbajtëses amerikane John C. Stennis.
Në të njëjtën kohë ai vuri në dukje se tërheqja e trupave amerikane nga Siria, ku ata ishin të pranishëm “pa pëlqimin dhe miratimin e popullit [sirian]” do të “çojë në rritjen e sigurisë dhe paqen” në të gjithë rajonin.
Më parë, komandanti i Korpusit të Gardës Revolucionare Islamike (IRGC), gjeneralmajor Mohammad Ali Jafari, tha se arritja e aeroplanmbajtëses amerikane John C. Stennis në Gjirin Persik ka për qëllim “të mashtrojë shtetet rajonale dhe të pretendojë se ata krijojnë siguri për këto vende.
Aeroplanmbajtësja John C. Stennis mbërriti në Gjirin Persik më 21 dhjetor, pas një periudhe të zgjatur mungese që prej vitit 2001. Arritja e saj ishte paraprirë nga paralajmërimet e shprehura nga Irani, i cili kërcënonte të bllokonte Ngushticën e Hormuzit – e vetmja dalje detare nga Gjiri Persik dhe një korridor i një të tretës së eksporteve botërore të naftës./sputnik/Gazeta Impakt
