Kolegji i Posaçëm i Apelimit ka caktuar trupën gjykues për çështjen e Artan Lazaj.
Kryesues i trupës është përcaktuar, Sokol Çomo, ndërsa relatore është Albana Shtylla.
Trupa e anëtareve do të jetë e përbërë nga Ardian Hajdari, Natasha Mulaj, Rezarta Schuetz, të cilët do të bëjnë rivlerësimin e subjektit kalimtar të Lazajt. Gjyqtari Artan Lazaj, ka apeluar më parë vendimin e KPK-së
Njoftimi i KPA-së:
Në Kolegjin e Posaçëm të Apelimit është regjistruar çështja (JR) Nr. 15/2018, datë 11.09.2018 që i përket ankimit të subjektit të rivlerësimit z.Artan Lazaj kundër vendimit nr. 34 datë 11.07.2018 të Komisionit të Pavarur të Kualifikimit që lidhet me procesin e rivlerësimit kalimtar të subjektit të rivlerësimit z. Artan Lazaj.
Sot, në datën 13.09.2018, në Kolegjin e Posaçëm të Apelimit, u hodh shorti për caktimin e trupit gjykues, kryesuesin e këtij trupi dhe relatorin e çështjes.
Trupi gjykues i caktuar me short është i përbërë si më poshtë vijon:
Kryesues: Sokol Çomo
Relatore: Albana Shtylla
Anëtarë: Ardian Hajdari, Natasha Mulaj, Rezarta Schuetz.
Burimi: BalkanWeb
