Liga Arabe ka formuar një komision në nivel ministrash arabë për të trajtuar në aspektin diplomatik dhe mediatik vendimin e fundit të Donald Trump mbi Kudsin.
Liga Arabe njoftoi sot se është ngritur një komision shumë-ministror për të adresuar vendimin e Presidentit amerikan Donald Trump për transferimin e ambasadës amerikane nga Tel Aviv në Kuds, ka bërë të ditur agjencia e lajmeve Sputnik. Komisioni përbëhet nga përfaqësues të Jordanisë, Palestinës, Egjiptit, Arabisë Saudite, Marokut dhe Emirateve të Bashkuara Arabe, i kryesuar nga Sekretari i Përgjithshëm i Ligës Arabe, Ahmed Abul Gheit dhe do të ballafaqohet me vendimin e fundit të Donald Trump për njohjen e Kudsit si kryeqytet i Izraelit./ PT