“Çe, Fidel, Çavez, janë të githë trashëgimia jonë, ata na japin forcë”, Presidenti Nikolas Maduro
Venezuela nuk do të lejojë që vendin ta pushtojnë ushtarët e huaj, tha presidenti Nicolas Maduro gjatë një fjalimi televiziv të hënën ndërkohë që po bënte thirrje për dialog me forcat opozitare .
“Çe, Fidel, Çavez, janë të githë trashëgimia jonë, ata na japin forcë,”, tha kreu i shtetit bolivar duke i kujtuar turmës mbështetëse luftën e vendit për pavarësi që daton në epokën koloniale.
Që nga tentativa për grusht shteti më 23 janar e udhëhequr nga ligjvënësi Juan Guaido, Shtetet e Bashkuara i kanë bashkuar forcat me aleatët e saj anembanë botës dhe në Americen Latine sëbashku me “presidentin e përkohshëm” të vetëshpallur dhe në këtë mënyrë kanë pranuar pretendimin e tij jokushtetues si legjitim.
Maduro tha,
“Kur vdiq komandant Çavezi, unë u bëra president, megjithatë veprimi im i parë ishte mbajtja e zgjedhjeve. Unë nuk mund të qeverisja pa zgjedhje … pse Sanchez Castejoni në Spanjë ka qeverisur kaq shumë kohë pa kryerjen e zgjedhjeve?
Kërcënimet amerikane me ndërhyrje ushtarake dhe me raunde të reja sanksionesh bllokuese për Venezuelën dhe kompanitë e saj të naftës janë rishfaqur. Megjithëse Grupi i Limas dhe Bashkimi Europian e kanë refuzuar përdorimin e forcën ushtarake, ata e kanë njohur pretendimin e Guaidos dhe po bëjnë thirrje që Maduro të lëshojë karrigen në favor të zgjedhjeve të reja.
“Sulmet kundra nesh nga i ashtuquajturi ‘Grupi i Limas’ janë gjithashtu një sulm për gjithë të majtën, për të gjitha progreset e arritura në vendet e tyre,” tha Presidenti Maduro, duke e përshkruar sjelljen e organizatës si “të neveritshme dhe qesharake”.
Sa i përket kërkesave të përsëritura të opozitës venezueliane për ndërhyrje në vend, presidenti tha se ishte marrëzi që në atdheun e tij të inkurajohej lufta.
“Ata që marshojnë me flamurin amerikan që kërkojnë ndërhyrje ushtarake në vendin e tyre nuk e kanë idenë se çfarë po kërkojnë, ata nuk e kanë idenë për dëmet që do të sjellin”, tha Maduro.
“Në Venezuelë po zhvillohet një betejë që tregon se si vendet e tjera të ndjekin vetë shtigjet e tyre … Unë dua të kërkoj botës një solidaritet të një niveli më të lartë për të krijuar një lëvizje të fuqishme kundër kërcënimeve me luftë të SHBA-së,” tha presidenti Bolivarian./globalresearch/Gazeta Impakt