Pavarësisht pritshmërive të mëdha, xhudistja kosovare Majlinda Kelmendi nuk ka shfaqur një formë të mirë në Kampionatin Botëror që po zhvillohet në Budapest, një turne të cilin e mbylli në vendin e katërt.

Sportistja nga Peja e nisi mirë garën duke eliminuar me një rezultat të pastër 2-0 francezen Amedin Bushard dhe duke kaluar në gjysmëfinale. Përballë kosovares, në tapet u prezantua rivalja japoneze Ai Shishime, e cila u tregua më e fortë se Majlinda Kelmendi pas 9 minutash luftim që u vendos në kohën shtesë.

Majlindës i kushtoi një gabim i vogël në finalen e duelit, të cilën japonezja e shfrytëzoi për t’iu gëzuar fitores.

Objektivi i fundit i Kelmendit ishte renditja në podium, por edhe medalja e bronztë u sfumua pas humbjes me brazilianen Erika Miranda. 

17