Ministrja e Kulturës Kumbaro nëpërmjet një postimi në rrjetet sociale, në faqet e Ministrisë së Kulturës dhe të sajin personal, ka bërë postimin show të radhës, ku njofton duke shkruar se, ‘Prezantuam projektin e rehabilitimit të plotë të Memorialit të varrit të Skënderbeut në Lezhë, në rrënojat e Kishës së Shën Kollit, i cili ka nevojë për ndërhyrje të thella rehabilituese dhe restauruese. Puna fillon së shpejti.’

Në këtë postim ajo e quan monumentin e kulturës, sot Mozeleumi i Skenderbeut, si Kisha e Shën Kollit. Në fakt Shqipëria njihet prej shekujsh si vend i bashkëjetesës dhe tolerancës ndërfetare, e për këtë mburremi në tërë botën. Shqiptarët ndër shekuj ditën ta ruajnë këtë harmoni, duke e pranuar tjetrin siç është. Shumë objekte kulti ndërruan identitet me konvertimin e shqiptarëve në besime të ndryshme në mënyrë të natyrshme. Kështu shumë faltore pagane, u kthyen në kisha, kur shqiptarët u kristianizuan. Më pas u ndanë në kisha katolike dhe ortodokse dhe më pas disa prej tyre me islamizimin e plotë të popullsisë, ato u shndërruan nga vetë banorët në xhami, apo faltore islame. E tillë ishte edhe kisha e Shën Kollit, e cila me islamizimin e qytetit të lashtë të Lezhës u shndërrua dhe u njoh si xhamia Selimije, duke shërbyer për 500 vite me radhë si xhamia kryesore e qytetit për qytetarët lezhianë. Ajo kishte një minare mjaft elegante dhe restaurim plot finesë të shek. XX, duke u bërë objekt i shumë fotove të Marubit, deri në kohën e komunizmit, ku me mbylljen e institucioneve fetare, sistemi ateist ndërtoi mitin e ri të nacionalizmit dhe bazuar në disa hipoteza dhe gojëdhëna se Skenderbeu mund të jetë varrosur, diku pranë kësaj faltoreje me urdhër të Mehmet Shehut u shemb çatia, minarja dhe muret deri në gjysmë të xhamisë Selimije, duke lënë përshtypjen e një rrënoje, ashtu siç e beson edhe sot ministrja e Kulturës.

Në fakt nuk është e para herë që znj. Kumbaro dhe qeveria e saj provokojnë bashkëjetesën, siç ishte edhe rasti i kishës së Himarës, prishjes së murit rrethues të Katedrales ortodokse, xhamisë së kalasë së Shkodrës, lënia pas dore e xhamive shekullore, si xhamia Ethem bej në Tiranë e të tjera të mbetura nga regjimi i etërve të saj komunistë.

Ky ishte provokim, për të cilin pritet një reagim edhe nga drejtues të Komunitetit Mysliman të zonës së Shkodrës dhe Lezhës.

158