Mugabe hedh poshtë kërkesën për dorëheqje

Presidenti i Zimbabve Robert Mugabe, ka hedhur poshtë kërkesë e ushtrisë së këtij vendi për dorëheqjen e tij nga posti i presidentit.

Zimbabve është duke pritur për të parë se çfarë hapash të tjerë do të ndërmarrë ushtria pas marrjes së kontrollit të vendit. Presidenti Robert Mugabe thuhet se është i mbyllur në shtëpinë e tij në Harare, por raportet e pakonfirmuara thonë se gruaja e tij, Grace, e cila pretendonte për ta pasuar atë si President, ka ikur në Namibi. Veprimi i ushtrisë pasoi me shkarkimin e nënkryetarit Emmerson Mnangagua, një rival i ashpër i zonjës Mugabe. Vendndodhja e tij është gjithashtu e paqartë. Presidenti Mugabe, 93 vjeç, ka qenë nën kontrollin e Zimbabvesë që kur fitoi pavarësinë nga Britania në 1980. Por, lufta e pushtetit mbi atë se kush mund t’ia dalë mbanë, midis znj. Mugabe dhe z. Mnangagua, ka ndarë partinë qeverisëse Zanu-PF në muajt e fundit. Dëshmia se rrethi i znj. Mugabe ishte nën presion nga ushtria erdhi të mërkurën, kur një nga aleatët e saj kryesorë bëri një apologji publike për kritikimin e kreut të ushtrisë një ditë më parë. Blloku rajonal Komuniteti i Zhvillimit të Afrikës Jugore (SADC) do të mbajë të enjten bisedime emergjente në Botsvanë për të diskutuar krizën. Udhëheqësi i opozitës së Zimbabve Tendai Biti tha se donte të shihte një autoritet kalimtar në vend. “Është urgjente që të kthehemi në demokraci. Është urgjente që të kthehemi në legjitimitet por kemi nevojë për një periudhë kalimtare dhe shpresoj se dialogu tani mund të hapet”, tha ai./ PT

NDANI KËTË POSTIM

Mund tju interesojne