Një person vret veten brenda xhamisë së madhe të Mekës pranë Qabes

Një person ka vrarë veten vetëm disa metra larg Qabes brenda xhamisë së madhe të Mekës, vendi më i shenjtë i Islamit. Ai u hodh nga kati i tretë gjatë një momenti kur mijëra pelegrinë po kryejnë ritualin e tauafit.

Incidenti ndodhi të premten vonë dhe u kap nga shume kamera të besimtarëve që ndodheshin brenda kompleksit të Qabes duke kryer ritualet e faljes. Sipas filmimeve, personi shihet duke u hedhur nga kati i tretë drejt sipërfaqes, fare pranë Qabes.

Mediat saudite raportuan se personi i cili vdiq menjëherë pas hedhjes nga kati i tretë i xhamisë, ishte një shtetas francez. Islami e konsideron vetëvrasjen si një nga mëkatet me të madha.

Autoritetet po hetojnë mbi shkeljet e sigurise në vendin e ngjarjes dhe motivet e incidentit.

Në shkurt të vitit 2017, një burrë u përpoq të vriste veten duke e spërkatur trupin me benzinë por ishte ndaluar menjëherë./dailysbah/Gazeta Impakt

NDANI KËTË POSTIM

Mund tju interesojne