Kryeministri i Hungarisë Viktor Orban në lidhje me çështjen e emigrimit tha se në vend të burokratëve të Bashkimit Evropian, vendet anëtare të unionit duhet të marrin vetë vendimet e tyre.
Orban prezantoi programin e partisë së tij në lidhje me zgjedhjet e Parlamentit Evropian, që do të zhvillohen në 26 maj dhe reagoi ndaj politikës që ndjek Komisioni i BE-së për emigrimin.
Ai pretendoi se organizatat joqeveritare të varura nga biznesmeni amerikan me origjinë hungareze, George Soros ndihmojnë emigrimin e çrregullt, ndërsa Bashkimi Evropian ndihmon organizatat e Sorosit.
Kryeministri hungarez parashtroi se zgjedhjet në fjalë janë duke u zhvilluar si një përpjekje ndërmjet atyre që janë pro dhe kundër emigrantëve dhe në zgjedhje vihet në diskutim ekzistenca e qytetërimit të krishterë.
Në çështjen e emigrimit çdo vend ka të drejtën e sovranitetit, tha Orban duke bërë të ditur se vendet e unionit duhet të marrin vendim veç e veç.
“Elita në Bruksel duhet të frenojë përpjekjet për marrjen e fuqisë nën kontroll dhe duhet të ndalojë emigrimin” tha Orban.
Ai kritikoi ashpër Presidentin e Komisionit Evropian, Jean-Claude Juncker dhe akuzoi atë dhe Komisionin për largimin e Anglisë nga BE-ja dhe dyndjen e emigrantëve të çrregullt në union./ trt