Parlamenti i Iranit ka lëshuar një listë të personave juridikë dhe fizikë amerikanë, të cilët do u nënshtrohen dënimeve dhe kundërveprimeve, nën një projektligj të miratuar të dielën kundër akteve terroriste të SHBA-së në rajon.
Të dielën, ligjvënësit iranianë miratuan njëzëri parimet e përgjithshme të një projektligji kundërmasash për aktet e shfrytëzimit dhe terrorizmit të SHBA në rajon, me një votim 240-0 me një abstenim. Neni 4 i projektligjit përfshin një listë të personave juridikë dhe fizikë të Shteteve të Bashkuara, të cilët do të jenë subjekt i dënimeve dhe kundërmasave sipas projektligjit.
Teksti i plotë i nenit 4 është si më poshtë:
Për shkak të mbështetjes së fshehtë dhe të tepruar të qeverisë amerikane dhe forcave të saj të inteligjencës dhe ushtrisë ndaj grupeve terroriste, dhe pohimeve të përsëritura nga disa zyrtarë amerikanë (duke përfshirë Sekretarin e atëhershëm të Shteteve të Bashkuara) për rolin amerikan në formimin dhe sponsorizimin e grupeve terroriste si ISIL, Republika Islamike e Iranit konsideron që individët e mëposhtëm t’i nënshtrohen dënimeve të përfshira në nenin 6 të projektligjit:
Organizatat ushtarake të SH.B.A.-së, si dhe komandantët dhe zyrtarët e lartë, të cilët kanë kontribuar shumë në financimin, inteligjencën, ushtrinë dhe mbështetjen me armë, si dhe në trajnimin e grupeve terroriste dhe ekstremiste në rajon, si ISIL dhe Jabhat al -Nusra.
Individët amerikanë të cilët janë aktivisht të përfshirë në aktivitetet ushtarake dhe të inteligjencës amerikane, të përmendura në paragrafin 1 të këtij neni.
Individët amerikanë që janë aktivisht të përfshirë në organizimin e mbështetjes financiare ose strategjike, ose në kryerjen e akteve terroriste kundër interesave të qeverisë ose shtetasve dhe qytetarëve të Republikës Islamike të Iranit.
Individët amerikanë që sponsorizojnë organizatën terroriste Mujahedin-e Khalq (MKO), apo ndonjë grup tjetër ekstremist dhe terrorist, duke përfshirë ISIL dhe Frontin Nusra, qoftë direkt ose indirekt, si përmes mbështetjes financiare, politike, promocionale, kulturore, të armëve dhe të inteligjencës.
Individët amerikanë që mbështesin dhe kanë një rol aktiv në terrorizmin shtetëror, siç është ai i kryer nga regjimi sionist kundër popullit të rajonit, veçanërisht në Palestinë dhe Liban.
Neni obligon Ministrinë e Jashtme të Iranit të bashkëpunojë me IRGC Quds Force në identifikimin e individëve që bëjnë pjesë në këto pesë kategori brenda tre muajve. Lista e sanksioneve do të azhornohet çdo gjashtë muaj. / © Gazeta Impakt
