Presidenti i Turqisë, Erdogan ka vërtetuar se vendi i tij është i gatshëm që të shikojë mundësinë e blerjes së sistemit raketor S-500 në të ardhmen.
Në një intervistë për televizionin 24TV, i pari i shtetit turk, ka thënë se sistemi raketor rus S-400 tashmë është punë e kryer, dhe se tani më është arritur marrëveshje.
“Jemi marrë vesh me Rusinë, që të kemi prodhimtari të përbashkët. Do të rishikojmë mundësinë, në të ardhmen edhe për sistemin raketor S-500” ka thënë ai.
Erdogan në korrik të vitit të kaluar ka thënë se i ka ofruar presidentit rus, Vladimir Putin që fillojnë prodhimtarinë e përbashkët, mirëpo i njëjti nuk ka treguar se çfarë i është përgjigjur presidenti rus.
