Për 5.000 vjet, ari ka dëshmuar statusin e tij si ruajtja e fundit e vlerës. Investitorët e sotëm nxitojnë për të blerë metalin e çmuar në pasigurinë e tregut të dobët. Gjatë dekadës së fundit, bankat qendrore globale janë bashkuar ne garen e arit.
Vëllimet e arit të gëlltitura nga rregullatorët në mbarë botën në vitin 2018 arritën në vendin e dytë më të lartë vjetor në rekord, njoftoi World Gold Council (WGC) më parë këtë vit. Firma kërkimore e industrisë theksoi se bankat qendrore vitin e kaluar blen 651.5 tonë metrikë të metaleve të çmuara, duke shënuar një rritje prej 74 për qind nga viti në vit.
Pronësia e arit nga rregullatorët monetarë është në një nivel 50-vjeçar me shtetet e mëposhtme që aktualisht përbëjnë listën e mbajtësve më të mëdhenj të botës në ar.
5. Rusia
Gjatë gjashtë viteve të fundit, banka qendrore ruse ka qenë jashtëzakonisht aktive në blerjet e arit. Në vitin 2017, vendi e hoqi Kinën nga lista e pesë mbajtësve më të mëdhenj të arit. Vitin e kaluar, Rusia u bë blerësi kryesor i arit në botë me blerje neto duke arritur në 651.5 tonë metrikë. Në muajin shkurt, banka qendrore ruse nxiti rezerva valutore me 31.1 ton ari, duke rritur grumbullimin e metaleve të çmuar në 2.149 ton.
Lenia e thesareve amerikane në favor të blerjeve të arit është pjesë e politikës së miratuar nga qeveria e orientuar drejt de-dollarizimit të ekonomisë së vendit.
4. Franca
Parisi thuhet se zotëron 2,518 ton metal të çmuar, i cili përbën rreth 60 për qind të të gjitha rezervave valutore të Francës. Politikania franceze Marine Le Pen, kretarja e Frontit Kombëtar, ka kërkuar vazhdimisht ngrirjen e shitjes së arit të kombit, si dhe riatdhesimin e të gjitha shufrave të Francës që mbahen nga shtete të huaja.
3. Italia
Me 2534 ton ari në arkën e saj, Italia zbriti në vendin e tretë në vlerësime. Shuma përfaqëson gati 70 për qind të rezervave valutore të vendit. Sipas politikës së ndjekur nga Banka e Italisë, ari është investimi më i sigurt në kohën e trazirave ekonomike dhe mbrojtje ndaj luhatshmërisë së dollarit amerikan.
2. Gjermania
Deutsche Bundesbank zotëron aktualisht 3,483 ton ar, e cila përbën më shumë se 70 për qind të rezervave valutore të Gjermanisë. Rregullatori ka tentuar të riatdhesojë rreth 674 tonë ari të mbajtur nga Banka e Francës dhe Banka Federale e Rezervave Amerikane. Riatdhesimi i arit të kombit pritet të përfundojë deri në vitin 2020.
1. Shtetet e Bashkuara
Uashingtoni thuhet se mban rezervat më të mëdha të arit në botë prej 8,407 ton. Kjo përbën më shumë se 75 për qind të rezervave valutore kombëtare. Fed amerikan nuk ka qenë aq aktive në blerjen e arit si vendet e tjera për të parandaluar zhvlerësimin e dollarit./rt/ Gazeta Impakt
