Në universitetet turke studiojnë 125.000 studentë të huaj
7 vite më parë kjo shifër ka qenë rreth 25 mijë.
Gjysma e studentëve që vijnë në Turqinë ndjekin universitetet private.
Degët që preferojnë më shumë studentët e huaj në Turqi janë shkencat shoqërore dhe inxhinieritë.
Kurse vitet e fundit, një interes i madh po tregohet edhe ndaj degëve të tilla si: mjekësi, stomatologji dhe farmaci.
Në aktivitetet e shumta që do të realizohen në kryeqytetin e vendit, Ankara, dhe në qytetet e tjera si: Eskisehiri, Stambolli dhe Izmiri, në kuadër të Panaireve Ndërkombëtare të Arsimit (IEFT), që këtë vit i hap dyert për të 33-ën herë, të interesuarit do të marrin përgjigje nga specialistët për pyetjet që kanë në mendje në lidhje me arsimin e lartë në Turqi.
Panairi do të hapet më 19 mars në Ankara dhe do të vazhdojë të organizohet më 21 mars në Izmir dhe 23-24-25 mars në Stamboll./ trt
