Princi i kurorës së Arabisë Saudite ka nisur një turne jashtë shtetit në kohën kur ai është i frikësuar nga mundësia e një grushti shteti brenda dhe nga protestat në rritje jashtë vendit.
Princi i kurorës i Arabisë Saudite Muhamed bin Selman mbërriti në Emiratet e Bashkuara Arabe duke filluar një turne në disa vende arabe, që është njëkohësisht udhëtimi i tij i parë jashtë vendit, që nga vrasja e gazetarit Jamal Khashoggi që shkaktoi një protestë globale. Princi, sundimtari de facto i vendit, gjithashtu pritet të marrë pjesë në një takim të G20 në Buenos Aires në fund të muajit, ku do të marrin pjesë udhëheqës nga Shtetet e Bashkuara, Turqia dhe vendet evropiane. Vrasja e Khashoggi, një kolumnist i Uashington Post dhe një kritik i princit të kurorës, në konsullatën e Rijadit në Stamboll para gjashtë javësh, ka tensionuar lidhjet e Arabisë Saudite me Perëndimin dhe ka prishur imazhin e princit Muhamed jashtë vendit. Mbreti Selman i kërkoi trashëgimtarit të tij të zgjedhur, të njohur në Perëndim si MbS, për të kryer turneun bazuar në gatishmërinë e tij për të thelluar lidhjet e mbretërisë në rajon dhe ndërkombëtar. Princi Muhamed u prit me ardhjen e tij në Emiratet e Bashkuara Arabe fqinjë nga Princi i Kurorës së Abu Dhabit, Mohammed bin Zayed al-Nayhan, një aleat i afërt i MbS dhe Arabisë Saudite. Ne jemi krenarë për lidhjet tona të rrënjosura thellë. Bashkëpunimi i ngushtë dhe një partneritet i frytshëm janë në ruajtje për vendet tona. Emiratet e Bashkuara Arabe do të jenë gjithmonë një shtëpi e dashur dhe mbështetëse për vëllezërit tanë në Arabinë Saudite”, tha Muhamed bin Zayed në një post në Twitter. 95% e princave sauditë janë të gatshëm të lidhin besën e tyre me xhaxhain e princit të kurorës Muhamed bin Selman. Sipas kritikut Muxhtahed i cili shumë rrallë pranon të kryejë intervista me mediat, në intervistën e dhënë për Khalij Online, ka zbuluar një tjetër lajm kundër princit të kurorës dhe ka thënë: Bin Selman ka dhënë urdhra për kryerjen e veprimeve të veçanta sigurie dhe nga garda mbretërore ka kërkuar të shkojnë në lindje dhe perëndim të Riadit për të parandaluar një grusht shteti. Sipas tij Muhamed bin Selman i cili po zhvillon një turne në disa vende arabe, është informuar se princat sauditë po mundohen të kryejnë një grusht shteti kundër tij. sipas këtij aktivisti, nëse Ahmed bin Abdul’aziz vëllai i mbretit aktual të Arabisë Saudite merr vendim që të kërkojë shkarkimin e bin Selman, 95% e princave sauditë do ta mbështesin dhe lidhin besën me atë. Pas ngjarjes së vrasjes së gazetarit Jamal Khashoggi dhe pas shtimit të presioneve ndaj Muhamed bin Selman, princi Ahmed bin Abdul’aziz pasi ka marrë garanci nga Evropa dhe Amerika është kthyer nga Londra për në Riad. Burime të afërta me oborrin mbretëror në Arabinë Saudite, njoftojnë për përpjekjet e princave sauditë për të parandaluar ardhjen në pushtet të Muhamed bin Selman. Princat sauditë janë angazhuar të mos lejojnë emërimin e trashëgimtarit Bin Selman në postin e mbretit deri në kohën kur Selman bin Abdul’aziz është gjallë. Për princat sauditë, deri në kohën kur mbreti 82 vjeçar është gjallë është e papranueshme që princi Bin Selman të marrë postin e mbretit të Arabisë Saudite. Sipas agjencisë Reuteres, princat sauditë po diskutojnë për mundësinë e zëvendësimit të princit Ahmed Bin Abdul’aziz 76 vjeçar, vëllai i vogël i mbretit Selman, pas vdekjes së tij. princi Ahmed është një prej atyre që ka kundërshtuar zgjedhjen e princit Bin Selman në postin e trashëgimtarit. Kredibiliteti i trashëgimtarit Bin Selman është dëmtuar rëndë pas vrasjes së gazetarit Khashoggi në konsullatën e Arabisë Saudite në Stamboll./PT
