Serbët nuk lejojnë “Jetimat e Ballkanit” të hyjë në Luginë, megjithatë aksioni bamirës realizohet

Autoritetet kufitare tek Dheu i Bardh kanë ndaluar shoqatën “Jetimat e Ballkanit”, duke mos lejuar të futen në Luginën e Preshevës për të realizuar aksionin humanitar në prag të festës së Fiter Bajramit.

Drejtori i kësaj shoqate, Halil Kastrati ka njoftuar përmes profilit të tij në facebook, se pavarësisht që nuk u lejuan të hyjnë në territorin e Luginës, aksioni bamirës për 70 familje u realizua me sukses.

“Ma bani hallall pse nuk me lan me ardh. Dy ore ne kufi, nuk kishin asnjë arsye, vetëm me than, ke ndales hyrje për 3 dite. Megjithatë aksioni jone humanitar u krye, u ndihmuan 70 familje nevojtare”, ka shkruar Kastrati në facebook.

Pjesë e këtij aksioni ishte edhe këngëtari i njohur Gold AG.

Kjo shoqatë që aksionet bamirëse i ka vazhduar gjatë tërë Ramazanit, ndërsa sot realizon një aksion të madh ku do të ndihmohen me pako ushqimore rreth 400 familje skamnore në vende të ndryshme të Kosovës.

NDANI KËTË POSTIM

Mund tju interesojne