Shqiperia

SHBA, Itali, Britani, Gjermani, nën një zë: Dhuna në protestë e papranueshme

Katër ambasadat kryesore në vend, ajo e SHBA, Italisë, Gjermanisë dhe Britanisë kanë reaguar në lidhje me protestën që do të organizohet sot nga opozita, duke bërë thirrje për tubim paqësor.

Edhe pse përmes 4 deklaratave të ndryshme, mesazhi i 4 ambasadave është i njëjtë, në të theksohet se e drejta për të protestuar është një përbërës thelbësor i një demokracie të shëndetshme, por protestat duhet të jenë paqësore.

Në reagim dënohet dhuna që u zhvillua gjatë protestës së 11 majit që plagosi si policinë dhe protestuesit dhe shkaktoi dëme në pronë.

Gjithashtu u kërkohet liderëve të opozitës të dënojnë dhunën dhe të sigurojnë që protestat që ata mbajnë janë paqësore dhe të mbahen në përputhje me ligjin.

Më tej në reagimin e ambasadave dënohet kërcënimi i ambasadorit të OSBE.

Në përfundim ambasadat e SHBA-së Italisë, Britanisë dhe Gjermanisë bëjnë thirrje të gjitha palëve të hyjnë në dialog, e cila është mënyra e vetme në të cilën bllokimi i tanishëm mund të zgjidhet.

OPINIONE