I gjithë dokumentacioni në gjuhën osmane, i cili gjendet në Arkivin Qendror Shtetëror të Shqipërisë, do të digjiitalizohet. Pajisja e digjitalizimit për dokumentet osmane është mundësuar nga Agjencia Turke për Bashkëpunim dhe Koordinim (TIKA).
Drejtori i Përgjithshëm i Arkivave të Shqipërisë, Ardit Bido, informoi se një kopje digjitale e dokumentacionit 
do të mbetet në vend dhe një kopje do u dorëzohet Arkivave Turke.
Bido tha gjithashtu se Arkivat Turke do të dorëzojnë dokumentet, që janë në interesin e Shqipërisë dhe që gjenden në Arkivat e Perandorisë Osmane.
Nga ana e tij, ambasadori i Republikës së Turqisë në Tiranë, Hidayet Bayraktar, bëri me dije se ky bashkëpunim me 
Drejtorinë e Përgjithshme të Arkivave dhe TIKA-n do të vazhdojë dhe në të ardhmen.
“Ky bashkëpunim midis dy drejtorive është shumë i rëndësishëm, sepse ka vlerë që të gjitha këto gjëra do t’i kalohen edhe brezave të rinj. Është shumë e rëndësishme që historia të shkruhet me mjete sa më konkrete”, nënvizoi Bayraktar./ trt
