Në mediat greke është publikuar një video, ku disa të dënuar shqiptarë në burgun e Koridhalos shfaqen duke kërcyer brenda qelive, ndërsa dëgjojnë muzikë dhe numërojnë para.
Ndërkohë që e gjitha është transmetuar live në rrjetet sociale, nga pamjet dallohet qartë televizori satelitor, shishet me pije alkoolike, si dhe momenti kur ata hedhin para sikur të ishte një ambient feste.
[youtube https://www.youtube.com/watch?v=g5FKWPXt9_I?start=1&feature=oembed]
Ky veprim ka sjellë reagimin e Ministrisë greke të Drejtësisë. Sipas të cilës, videoja daton në fillimin e këtij vitit, ndërsa disa javë më pas, organet greke të rendit asgjësuan të ashtuquajturën mafie shqiptare që sundonte brenda dhe jashtë ambienteve të këtij burgu.
“Nuk do të lejojmë sistemin e paligjshëm të mbizotërojë në burgje, ndaj do të ketë vazhdimisht një përgjigje vendimtare nga qeveria dhe nga gjyqësori”, thuhet në deklaratën e Ministrisë së Drejtësisë.