”Shullazi” nis betejën në Apel, çfarë ndodhi në seancën e parë

Nis me shtyrje seanca e parë për Emiljano Shullazin dhe anëtarët e grupit të tij, në apelin e krimeve të rënda.

Shkak për shtyrjen e seancës u bë kërkesa e avokatit te të pandehurit Blerim Shullazi, Bledar Meminaj.

Meminaj kërkoi kohë të njihet me dosjen për shkak se më herët, në shkallë të parë avokat ka qenë Aldo Tabaku.

Seanca e rradhës do të zhvillohet më datë 4 Shkurt ora 9 e 30.

Një muaj më parë gjykata e krimeve të rënda dënoi me 55 vite burg Emiljano Shullazin, Gilmando Danin, Endrit Qyqja dhe Endit Zela si dhe Blerim Shullazi.

14 vite burg u dhanë për Emiljano Shullazin. Ata akuzohen për krijim të grupit të strukturuar kriminal, gjobvënie dhe kanosje per shkak të detyrës.

Kujtojmë se dhënia e dënimit për Shullazin u përshëndet dhe nga ana e ambasadave të rëndësishme në vendin tonë, si ajo e SHBA-ve, gjermane dhe britanike, duke e konsideruar si një hap në vendosjen e shtetit të së drejtës.

NDANI KËTË POSTIM

Mund tju interesojne