Nga Blendi Gashi
Ndonëse krerët e shtetit janë shumë të kujdesshëm për të paralajmëruar qytetarët se “duhet kenë kujdes se mund të ndodhin sulme të cakturara”, ditën e Pashkëve, ata nuk shprehën të tillë kur sulmohet ndonjë objekt i xhamisë dhe heshtin pa fije turpi.
Kjo ka ndodhur së fundmi me rastin që u bë ndaj Xhamisë në fshatin Llabjan të Novobërdës, ku një serb e dëmtoi brenda dhe jashtë. Pavarësisht 24 pas kryerjes së këtij sulmi të tmerrshëm asnjë nga institucionet, as Presidenca, qeveria, apo kuvendi nuk e thanë asnjë fjalë. Njëjtë vepruan edhe ambasadat e huaja. Të gjitha këto sigurisht se do shpërthenin me deklarata dhe do dënonin ashpër sulmin eventual ndaj ndonjë kishe që mund t’ia kishte bërë ndonjë shqiptar.
Megjithatë edhe për sulmin ndaj xhamisë ka ca politikanë e subjekte që kanë reaguar duke e dënuar fuqishëm.
I pari që ka reguar ndaj sulmit është deputeti i AAK-së, Pal Lekaj që është i besimit i cili përmës një statusi në Facebook ka thënë se komunitetet në Kosovë pa dallim feje e nacionaliteti duhet të jenë në mirëkuptim dhe harmoni.
“Është koha për paqe, është koha që të jemi “sy-katër”. Vandalizmi i bërë ndaj një objekti fetarë, Xhamisë në Artanë (Novobërdë) është i papranueshëm dhe si i tillë duhet dënuar e duhet izoluar. Ai (ata) që e kanë bërë këtë duhet të dalin para drejtësisë sa ma parë. Kosova nuk e ka në traditë të sulmohen kultet fetarë të askujt edhe në kohët më të vështira kjo është vërtetuar. Prandaj nuk duhet toleruar që këto veprime të bëhen përditshmëri”, ka reaguar Lekaj.
Më pas ka reaguar dhe Partia Fjala që drejtohet nga deputeti Gëzim Kelmendi i cili ka dënuar sulmin në xhaminë, shkollën dhe ambulancën e Novobërdës nga një serb.
Sipas kësaj partie, sulmet mbi objektet fetare duhet dënuar dhe sulmuesi të marr dënimin e merituar.
“Sulmet mbi objektet fetare qofshin Xhamia apo Kisha janë të papranuara për shoqërinë tonë kosovare e cila shquhet për bashkëjetesë dhe tolerancë të shkëlqyer ndërfetare. Njëherit kërkojmë nga organet e drejtësisë që të veprojnë konform ligjit dhe sulmuesi të merr dënimin e merituar”, thuhet në reagimin e kësaj partie.
Ka reaguar edhe kreu i Listës Serbe, Slavko Simiq i cili ka thënë se përdhosja e xhamisë pikërisht në festën më të gëzuar të fesë së krishterë, Dita e Pashkëve, është e papranueshme.
“Në prag të festës më të gëzueshme të krishterë, festën që kujton ne që të jetë tolerant, i ndershëm, më të mirë për të falur dhe për të jetuar në paqe dhe prosperitet, për të luftuar për familjen e tij dhe popullit të tij, kjo është përdhosje e papranueshme të ndërtesës fetare”, ka thënë Simiq.
Ai ka thënë se ata që sulmojnë objektet që shpërndajne tolerancën fetare, duhet të ndiqen penalisht nga organet e drejtësisë në mënyrë që kjo mos të ndodhë në të ardhmen.
Simiq ka përgëzuar policinë për reagim të shpejtë në kapjen e autorëve të këtij rasti.
“Pavarësisht kombit dhe fesë, ky akt është i papranueshëm”, ka përfunduar reagimin e tij Simiq.
Edhe Bashkësia Islame e Kosovës ka reaguar cilësuar veprimin e serbit përpjekje për të dëmtuar komunitetet ndërfetare për krijimin e mirëbesimit ndërfetar.
“Sulmet e tilla dhe përdhosja e objekteve fetare nxisin e ringjallin urrejtje, mos durim e dhunë, frikën dhe klimën e mosbesimit tek popullata e Kosovës, andaj duhet angazhim i të gjithëve që këso veprime të mos na përsëriten. Kërkojmë nga organet kompetente të marrin masat e duhura për sigurinë e objekteve fetare, që ato të mos bien pre e individëve që kanë qëllime të errëta dhe drejtësia të vihet në vend. Nga ana jonë ne mbetemi të përkushtuar për kultivimin e tolerancës, mirëkuptimit e mirëbesimit në vendin tone”, thuhet në reagimin e BIK-ut. /tesheshi
