Sulmohet një xhami në Angli, imami i kërkon policisë mbrojtje për myslimanët

Një xhamie në Birmingham ju thyen dritaret gjatë natës, duke bërë që imami të kërkojë nga policia më shumë mbrojtje para lutjeve të së premtes.

Shtatë dritare dhe dy dyer u thyen gjatë sulmit te natës në Qendrën Islame në Witton Road në Witton.

Imami i xhamisë thotë se sulmi ndodhi midis orës 1.30 dhe orës 02:00.

Policia e West Midlands konfirmoi se xhamia është sulmuar dhe se ata po shqyrtojnë raporte për ‘disa’ xhami të tjera që u vandalizuan gjithashtu, raporton Gazeta Express.

Fotot e xhamisë së dëmtuar janë postuar në internet nga këshilltari i Partisë Laburiste për lagjen Bromford dhe Hodge Hill, Majid Mahmood.

Ai shkroi: “Për fat të keq, Qendra Islame në Witton Road u sulmua brenda natës nga një individ që përdorte çekiç për të thyer dritaret”

“Unë thashë javën e kaluar se muslimanët kishin frikë pas sulmeve terroriste në Christchurch. Ne kemi nevojë për mbështetje në Brum.”

Sharafat Ali, 66, tha për Birmingham Live: “E tmerrshme, komuniteti është i tronditur për shkak të asaj që ndodhi në Zelandën e Re.

“Kemi qenë këtu për 30 vjet. Në mëngjes kishim 40 besimtar për lutjen në mëngjes, të premten ju merrni rreth dy deri treqind. Kjo nuk ndodh në Aston. Nesër është lutje e së premtes dhe nuk e di se çfarë po ndodh. Po kërkojmë nga policia që të na japë më shumë siguri”, ka përfunduar ai.

 

NDANI KËTË POSTIM

Mund tju interesojne