Prokuroria pranë Gjykatës së Shkallës së Parë për Krimet e Rënda ka sekuestruar pasurinë e luajtshme dhe të paluajtshme të shtetasve Shpëtim Çilotaj, Vladimir Çilotaj, Agur Çilotaj dhe Jonida Çilotaj.
Kështu njofton prokuroria e Krimeve të Rënda, e cila shkruan se “Shpëtim dhe Vladimir Çilotaj janë përfshirë në aktivitete kriminale, për të cilat janë dënuar në Shqipëri, Belgjikë dhe Greqi për veprat penale “Vjedhje” parashikuar nga neni 134/2 K.Penal, “Trafikimit të mjeteve motorike”, parashikuar nga neni 141/a K.Penal, “Tregtimit të mallrave kontrabandë dhe për mallra akcize”, parashikuar nga neni 76 K.Penal si dhe për vepra të tjera penale”.
Procedimi pasuror ka filluar mbi bazën e informacionit të Prokurorisë së Rrethit Gjyqësor Fier për shtetasit e mësipër.
Njoftimi i Prokurorisë:
Çështja iu kalua në Prokurorinë për Krime të Rënda në kuadër të ligjit antimafia dhe Urdhërit të Prokurorit të Përgjithshëm nr.106, datë 18.05.2010 “Për bashkërendimin e raporteve mes Prokurorive të Rretheve Gjyqësore dhe Prokurorisë për Krime të Renda” (pika 3).
Në bazë të nenit 3/1/c të ligjit nr.10192 dt.03.12.2009 “Për parandalimin dhe goditjen e krimit të organizuar, trafikimit, korrupsionit dhe krimeve të tjera nëpërmjet masave parandaluese kundrejt pasurisë”, mbi kërkesën e Prokurorisë pranë Gjykatës së Shkallës së Parë për Krime të Rënda, është vendosur sekuestro mbi pasuri të luajtshme/të palujatshme të shtetasve Shpëtim, Vladimir, Agur, Jonida Çilotaj, si më poshtë:
Pasuritë e subjektit Agur Çilotaj:
-Në Fier, Njesi (Studio Piktori), me sip.40 m2.
-Apartament banimi 91.25 metër katror në Sarandë.
-Apartament 89.29 metër katror.
-Tokë truall 2721 metër katror, në Shkallnuar, Durrës dhe tre ndërtesa sociale 509 metër katror, total 1500 metër katror ndërtim.
Pasuritë e subjektit Vladimir Çilotaj:
-Apartament 98 metër katror.
-Truall 500 metër katror në Golem.
Pasuritë (ndërtim i paligjshëm) e shtetasit Vladimir Çilotaj, për të cilat ka aplikuar në zyrën e ALUIZNI-it Fier.
Pasuritë e shoqërise “Çilotaj Group ltd” shpk:
-Godinë 290.6 m2, në emër të “Çilotaj Group Ltd”.
-Godinë 290.6 m2.
-Truall 6134 m2 truall dhe 2460.2 m2 ndërtesë.
-Truall 3020 m2 në emër të “Çilotaj Group”.
-Truall 2000 m2, Golem.
-Apartament 98 m2.
-Prona e llojit apartament 64.60 m2.
-Prona e llojit apartament 98 metër katror
Pasuritë e shoqërisë “Ladi 2008” sha:
-Pasuria e llojit Arë 6000 m2
-Pasuria godinë banimi dhe shërbimi 9 kate në lagjen “Hajro Çakërri”, Vlorë.
Pasuritë e subjektit Jonida Çilotaj:
-Pasuria 82 metër katror, apartament.