Në afërsi të ishullit shkëmbor Kardak në Detin Egje pati një tensionim të shkurtër mes anijes turke të Rojës Bregdetare dhe të Rojës Bregdetare greke.
Anija “Nikiforos” e komandës së Rojës Bregdetare greke shkeli ujërat territoriale turke në afërsi të ishullit Kardak, me çrast anija e Rojës Bregdetare turke u dislokua në vendin e ngjarjes.
Anija greke “Nikiforos” fillimisht u paralajmërua me radiolidhje dhe u kërkua që të largohet nga ujërat territoriale turke, ndërsa pasi anija greke vazhdoi me shkelje erdhi deri tek një kontakt i shkurtër me anijen e Rojës Bregdetare turke.
Në këtë ngjarje anijet e Rojës Bregdetare u përplasen gjatë manovrave të anijes greke.
Mësohet se gjatë ngjarjes anijet nuk pësuan dëme materiale.
Ishulli shkëmbor Kardak, ku ndodhi ngjarja është 7km larg nga brigjet e Bodrumit në Turqi.
Për shkak të ishullit Kardak në vitin 1996 erdhi deri tek përshkallëzimi i tensionimit mes Turqisë dhe Greqisë.
Kriza e jetuar në janar të vitit 1996 filloi me ngecjen në cekëtinë të anijes turke të transportit në ishullin Kardak.
Pala greke pretendonte se anija ndodhet në ujërat e saj territoriale, ndërsa kriza u thellua edhe më shumë me zbarkimin e ushtarëve grek dhe ngritjen e flamurit në ishull.
Më 31 janar 1996 njësitë komando të marinës turke (SAT) zbarkuan në shkëmbin tjetër të Kardakut dhe ngritën flamurin turk.
