Thaçi: Pas marrëveshjes, Kosova do të njihet nga Serbia

Presidenti i Kosoves, Hashim Thaçi ka numëruar përfitimet e mundshme të Kosovës nga arritja e marrëveshjes me Serbinë, duke theksuar se shtetësia e Kosovës do të njihet globalisht.

“Përparësitë e marrëveshjes Kosovë-Serbi për Kosovën janë këto: Nëse arrihet, do të jetë proces paqësor. Përparësia e Kosovës do të jetë se jo vetëm që do të njihet nga Serbia, por automatikisht do të njihet edhe nga pesë vendet e BE-së”- ka thënë ai në Info Magazine të Klan Kosovës.

“Pastaj do të hapet rruga e sigurt për anëtarësim në NATO dhe në Bashkimin Europian. Gjithashtu, do të hiqet vetoja ruse dhe Kosova do ta fitojë një njohje globale”- tha me tej Thaci.

Sipas kreut të shtetit, për BE-në dhe NATO-n është e domosdoshme që Kosova dhe Serbia të merren vesh, ndërkaq sa i përket dialogut, ai e sheh si diçka të papranueshme nëse Kosova del e dështuar në negociata dhe dialog me Serbinë.

“Kosovës në asnjë rrethanë nuk guxon t’i mbetet përgjegjësia e dështimit të dialogut dhe negociatave”- tha ai.

Ai ripërsëriti se me asnjë çmim nuk do të lejojë autonomi, shkëmbim territoresh apo ndarje të Kosovës në kuadër të marrëveshjes me Serbinë.

Burimi: BakanWeb

NDANI KËTË POSTIM

Mund tju interesojne