Trump falënderon Arabinë Saudite “për çmimin e naftës”

Presidenti i SHBA-ve Donald Trump falënderoi Arabinë Saudite për uljen e çmimit të naftës, transmeton Anadolu Agency.

Në një postim nga rrjetet sociale, Trump uljen në çmimet e naftës e ngjasoi me një reduktim të madh të taksave. “Çmimet e naftës po bien. Kjo është si një reduktim i taksave për SHBA-të dhe botën dhe është e mrekullueshme. Shijojeni atë. (Çmimi për fuçi të naftës të tipit të Teksasit Perëndimor) Më parë ishte 82 dollarë kurse tani 54 dollarë. Faleminderit Arabisë Saudite, por le të tërheqim më poshtë!”, ka shkruar Trump.

Trump edhe dje përkundër vrasjes së gazetarit saudit Jamal Khashoggi në Konsullatën saudite në Stamboll shprehu dëshirën për “vazhdimin e palëkundur të partneritetit të SHBA-ve me Arabinë Saudite”.

Ai tha se nuk do t’i anulojnë marrëveshjet për armë me Arabinë Saudite. “Nuk do të heqim dorë nga qindra miliarda dollarë. Nëse heqim dorë atëherë çmimet e naftës do të arrijnë kulmin”, ka thënë Trump.

NDANI KËTË POSTIM

Mund tju interesojne